Ó:nen yeyóhe aetewayéntho nè:ne tyonnhéhkwen. Ohyaríha niwenhni’tò:ten nón:wa -- yo’taríhen, yoráhkote, wenhniserí:yo (táhnon ó:ni okarya’tà:ne nok ohséhton kontinákere; yohsnó:re yotón:ni ne óhonte nok kahonta’ksen).Í:kehre akyéntho nek tsi yah é:so tewakenáktote. Akwáh í:ken tsi tewakeweyénnhare tsi tewakyó’te táhnon ó:nen tewakatáhsawe tsi katenonhsón:nis. Takyerónnite onhwentsyà:ke ón:wa wenhniserá:te tsi nón:we enkatenonhsakétsko. Enyórhen’ne entkatáhsawen tsi
keróntya’ks.
Akwáh í:ken tsi tenwakeweyennhá:rake tsi niwakénnhehs, é’tho wakateryèn:tare. Yawehronhátye, ayá:wenhse enwakenaktó:take akonhwentsyakarhátho tsi na’tekyatentátere tá:we -- ahse’kén yah othé:nen sénha tewaké:kahs tsi ní:yoht ne á:se teyohyakháhon.
3 comments:
She:kon
O:nen ki:later
She:kon,
Oh nahsakiera:ne? Oh naho:ten saio'te?
Shé:kon nè:ne yah tesahsén:nayen.
Ohsweken nón:we wakyó’te. Kya’takwe’ní:yo ne kentyóhkwa tsi nón:we yakhirihonnyén:nis ne Kanyen’kéha. Onkwawenna Kentyohkwa yena’tónhkwa ne kèn:tho. Ki’ nón:wa tewakeweyennenta’onhátye aontakatáhsawen akherihónnnyen ne Sehse’kó:wa tá:we.
Nok ní:se, oh nihsatyérha? Sayo’te ken?
Ayá:wenhse ne káti skén:nen ahsanonhtónnyon.
Owennatekha
Post a Comment