Onkyó'ten tsi tkawennárha sha’onterò:roke ne Canadian Idol tsi tkaya’tárha. Énhska yawén:re nihá:ti wahonterennó:ten táhnon shayà:ta rayà:tare nè:ne ronkwehón:we. Sheldon Elter ronwá:yats táhnon Edmonton nithawé:non. Wahaterennó:ten ne karén:na nè:ne yah ónhka tehatiyenté:ri. Yah eh sótsi tewakenonhwé:’on tsi ní:yoht wahaterennó:ten. Yehnekiyohstha yah teyakononhwé:’on ne raorén:na nek tsi wa’enòn:we’ne tsi ní:yoht raterennótha. É’tho káti wahonwahsén:narahste karonwarà:ke -- oyé:ri nónteratste. E’thò:ne wa’ontatewennáta’ahse ne yontate’kén:’a táhnon wa’ontathró:ri akaónha ó:ni ahonwahsén:narahste.